Беларускія распрацоўкі прэзентаваныя на выставе ў Алжыры

20-25 чэрвеня 2023 г. у Алжыры праходзіць міжнародная прамысловая выстава FIA. Увазе наведвальнікаў выставы ў выглядзе натурных узораў, макетаў, прэзентацый, відэаролікаў, брашур і іншых друкаваных выданняў прадстаўлены 30 распрацовак беларускіх вучоных з 6 арганізацый Нацыянальнай акадэміі навук Беларусі і ўстаноў Міністэрства адукацыі.

Міжнародная прамысловая выстава FIA ў Алжыры з'яўляецца найбуйнейшым выставачным мерапрыемствам рэгіёну для дэманстрацыі шырокага пераліку тэхнікі і абсталявання. FIA штогод прыцягвае больш за 40 тыс. наведвальнікаў. Асноўныя тэматычныя раздзелы выставы: машыны і абсталяванне для металургіі, машынабудавання, энергетыкі, будаўніцтва; горназдабыўная прамысловасць; хімічная прамысловасць: машыны, абсталяванне, прадукцыя арганічнай і неарганічнай хіміі, фармацэўтыка, касметыка. Таксама там прадстаўлены хімічная прадукцыя для сельскай гаспадаркі; будаўнічыя матэрыялы і тэхналогіі; цэлюлозна-папяровая і тэкстыльная прамысловасць і інш.

Арганізатарам калектыўнага раздзела навукова-тэхнічных распрацовак нашай краіны з'яўляецца Дзяржаўны камітэт па навуцы і тэхналогіях Рэспублікі Беларусь, выставачным аператарам – Беларускі інстытут сістэмнага аналізу і інфармацыйнага забеспячэння навукова-тэхнічнай сферы.

Па матэрыялах ДКНТ

Больш навін аб інтэлектуальнай уласнасці – у нашых сацсетках (Facebook, Instagram, Telegram).