ДКНТ правёў навучальны семінар

20 снежня 2022 г. у Мінску адбыўся семінар, арганізаваны Дзяржаўным камітэтам па навуцы і тэхналогіях (ДКНТ), у рамках якога разглядаліся пытанні аднясення выдаткаў на выкананне НДДК(Т)П у склад выдаткаў пры вылічэнні падатку на прыбытак з прымяненнем павышаючага каэфіцыента.

Як адзначыла ў сваім выступленні намеснік старшыні ДКНТ Таццяна Сталярова, Беларусь вызначыла інавацыйны шлях развіцця як прыярытэтны напрамак павышэння канкурэнтаздольнасці нацыянальнай эканомікі. «У Рэспубліцы Беларусь асноўным механізмам распрацоўкі і ўкаранення новых ведаў у вытворчасць з'яўляюцца навукова-даследчыя, доследна-канструктарскія і доследна-тэхналагічныя работы, якія выконваюцца арганізацыямі і інстытутамі. Прымяненне павышанага выліку выдаткаў на НДДК(Т)П з падаткаабкладальнай базы выступае адным з асноўных механізмаў падатковага стымулявання навуковай дзейнасці арганізацый камерцыйнага сектара. Падобная мера ў якасці асноўнага механізму падтрымкі рэалізуецца ў краінах з высокім узроўнем інавацыйнай актыўнасці, дзе ў выніку прымянення адпаведнага механізму вызваляюцца значныя рэсурсы для правядзення навуковых даследаванняў», – звярнула ўвагу намеснік старшыні ДКНТ.

У навучальным семінары прынялі ўдзел больш за 110 прадстаўнікоў найбуйнейшых арганізацый Міністэрства прамысловасці, Міністэрства абароны, канцэрна «Белдзяржхарчпрам», Нацыянальнай акадэміі навук Беларусі і інш.

Разам з асноўнымі пытаннямі парадку дня прысутныя азнаёміліся з падатковымі льготамі ў навукова-тэхнічнай і інавацыйнай сферы, а таксама з планаванымі ў 2023 г. падатковымі зменамі па падатку на прыбытак.

Па матэрыялах ДКНТ

Больш навін – у нашых сацсетках (Facebook, Instagram, Telegram).