Пачаў працу афіцыйны сайт першай міжнароднай еўразійскай канферэнцыі «IP Еўразія: прастора інавацый»

Сёлета міжнародная канферэнцыя «IP Еўразія», якая пройдзе 21 верасня 2022 г., прысвечана пытанням патэнтнай аховы лекавых сродкаў, балансу інтарэсаў грамадства, распрацоўшчыкаў інавацыйных прэпаратаў і фармацэўтычных кампаній.

На афіцыйным сайце канферэнцыі можна азнаёміцца з дзелавой праграмай мерапрыемства, а таксама набыць квіткі або атрымаць акрэдытацыю.

Удзельнікі канферэнцыі абмяркуюць пытанні аховы, абароны і камерцыялізацыі аб'ектаў інтэлектуальнай уласнасці ў сферы аховы здароўя і фармацэўтыкі ў еўразійскім рэгіёне, якія ў сілу сваёй спецыфікі закранаюць жыццёвыя інтарэсы кожнага чалавека. Канферэнцыя будзе прысвечана падыходам да развіцця інавацыйнага патэнцыялу фармацэўтычнай і медыцынскай прамысловасці, практычным інструментам для бізнесу ў сферы інтэлектуальнай уласнасці на еўразійскай прасторы.

У мерапрыемстве прымуць удзел кіраўнікі патэнтных ведамстваў краін еўразійскага рэгіёну, кіраўнікі фармацэўтычных кампаній і ўдзельнікі рынку. Ключавыя пытанні парадку і развіцця рэгіянальнай сістэмы рэгістрацыі інтэлектуальнай уласнасці будуць абмяркоўвацца з пазіцый бізнес-супольнасці, вынаходнікаў, патэнтных павераных патэнтных ведамстваў і экспертаў. Для ўдзельнікаў канферэнцыі вядучымі спецыялістамі сферы інтэлектуальнай уласнасці будуць праведзены практычныя майстар-класы, адбудзецца дзелавая гульня для студэнтаў ВНУ. У рамках экспазіцыйнай прасторы ўдзельнікі «IP Еўразія» прадставяць сучасныя тэхналогіі ў галіне грамадскай аховы здароўя.

Па інфармацыі ЕАПА