Падрыхтаваны праект бюджэту ЕАПА на 2023 год

У штаб-кватэры Еўразійскай патэнтнай арганізацыі (ЕАПА) адбылося 28-е пасяджэнне Бюджэтнай рабочай групы Адміністрацыйнага савета ЕАПА.

Ад Нацыянальнага цэнтра інтэлектуальнай уласнасці ў пасяджэнні прыняла ўдзел начальнік упраўлення бухгалтарскага ўліку і справаздачнасці Таццяна Трыфанкова.

На пасяджэнні былі разгледжаны змены ў бюджэт ЕАПА на бягучы год, што ўносяцца ў сувязі са зменамі памераў пошлін, якія ўступілі ў сілу 1 ліпеня 2022 г. Яшчэ адным пытаннем стаў праект бюджэту арганізацыі на будучы год.

Прэзідэнт ЕАПВ Рыгор Іўліеў прадставіў бягучую сітуацыю па дынаміцы падачы патэнтных заявак у еўразійскім рэгіёне. Было прапанавана павялічыць фінансаванне мерапрыемстваў для краін - членаў ЕАПА. Таксама Р. Іўліеў пазначыў адлюстраваныя ў праекце бюджэту ЕАПА на 2023 год задачы па правядзенні навукова-даследчых работ, падрыхтоўцы каментароў да еўразійскага патэнтнага заканадаўства, меры па развіцці патэнцыялу ў сферы інтэлектуальнай уласнасці ў тэхнапарках еўразійскага рэгіёну.

Па матэрыялах ЕАПА