Супрацоўнікі і кіраўніцтва НЦІУ прынялі актыўны ўдзел у рэспубліканскім суботніку

16 красавіка Нацыянальны цэнтр інтэлектуальнай уласнасці традыцыйна далучыўся да рэспубліканскага суботніка. У працу ўключыліся супрацоўнікі і кіраўніцтва Цэнтра. Была арганізавана праца па прывядзенню ў належны стан прылеглай тэрыторыі, а таксама генеральная ўборка ў кабінетах і на працоўных месцах.

Кожны ўдзельнік суботніка ўнёс свой уклад у агульную справу.

Рэспубліканскі суботнік праводзіцца па ўсёй краіне згодна з пастановай Савета Міністраў Рэспублікі Беларусь ад 5 красавіка 2022 г. № 208 «Аб правядзенні рэспубліканскага суботніка ў 2022 годзе».

Грашовыя сродкі, заробленыя ў дзень правядзення рэспубліканскага суботніка, будуць накіраваны на фінансаванне капітальнага рамонту, мадэрнізацыю і рэстаўрацыю дзяржаўнага мемарыяльнага комплексу «Хатынь».