У Мінску стартаваў ХІ Форум ВНУ інжынерна-тэхналагічнага профілю Саюзнай дзяржавы

13 снежня 2022 г. у Мінску на базе Беларускага нацыянальнага тэхнічнага ўніверсітэту стартаваў XI Форум ВНУ інжынерна-тэхналагічнага профілю Саюзнай дзяржавы (Форум).

Сёлета тэмай Форуму стала тэхналагічная інтэграцыя, а яго ўдзельнікамі – больш за 200 навукоўцаў, спецыялістаў, студэнтаў, магістрантаў і аспірантаў шэрагу вядучых беларускіх ВНУ, Санкт-Пецярбургскага горнага ўніверсітэта, Ніжагародскага дзяржаўнага тэхнічнага ўніверсітэта, Ташкенцкага дзяржаўнага тэхнічнага ўніверсітэта, ВНУ Курска, Севастопаля, Валгаграда.

Асноўнымі мэтамі Форуму з'яўляюцца папулярызацыя інжынернай адукацыі, прыцягненне моладзі ў сферу навукі, стварэнне міжвузаўскай платформы для рэалізацыі асноўных напрамкаў беларуска-расійскага інтэграцыйнага супрацоўніцтва па прыярытэтных напрамках развіцця навукі і тэхнікі і падтрымцы таленавітай моладзі.

Ва ўрачыстым адкрыцці Форуму прыняў удзел Старшыня Дзяржаўнага камітэта па навуцы і тэхналогіях Рэспублікі Беларусь Сяргей Шлычкоў.

Азнаёміцца з выступленнем Сяргея Шлычкова можна па спасылцы.

Па матэрыялах ДКНТ

Больш навін – у нашых сацсетках (Facebook, Instagram, Telegram).