Завяршылася Летняя Акадэмія IP'23

У Сочы завяршылася Летняя Акадэмія IP'23, арганізаваная Распатэнтам, Расійскай дзяржаўнай акадэміяй інтэлектуальнай уласнасці, а таксама Еўразійскім патэнтным ведамствам. Сёлета тэмай форуму стала «Дыстрыбуцыя інтэлектуальнай уласнасці: новыя падыходы да кіравання НМА».

Эксперты і выкладчыкі з Беларусі, Азербайджана, Арменіі, Казахстана, Кіргізіі, Расіі, Таджыкістана, Туркменістана і Узбекістана падзяліліся практычным вопытам забеспячэння прававой аховы высокатэхналагічных распрацовак, ацэнкі нематэрыяльных актываў, а таксама раскрылі тонкасці кіравання і камерцыялізацыі інтэлектуальных правоў. Усяго ў мерапрыемстве прыняло ўдзел звыш 60 спецыялістаў.

Ад Нацыянальнага цэнтра інтэлектуальнай уласнасці ў мерапрыемстве прыняла вочны ўдзел начальнік аддзела садзейнічання і камерцыялізацыі ўпраўлення садзейнічання камерцыялізацыі і дзяржаўных рэестраў Ганна Чарнова.

Па матэрыялах РДАІУ

Больш навін аб інтэлектуальнай уласнасці – у нашых сацсетках (Facebook, Instagram, Telegram).