Нацыянальны цэнтр электронных паслуг запусціў новы сэрвіс па праверцы сапраўднасці электроннага лічбавага подпісу

Нацыянальны цэнтр электронных паслуг запусціў новы сэрвіс па праверцы сапраўднасці электроннага лічбавага подпісу (ЭЛП) .

Любы жадаючы можа праверыць сапраўднасць электроннага лічбавага подпісу, якім падпісаны электронныя дакументы, атрыманыя ад Нацыянальнага цэнтра інтэлектуальнай уласнасці, у тым ліку ў рамках ажыццяўлення адміністрацыйных працэдур праз адзіны партал электронных паслуг «Е-Паслуга».

Для праверкі ЭЛП неабходна ў полі «1. Адлучаны ЭЛП (CMS/PKCS#7)» злева ў панэлі «Зыходны дакумент» загрузіць дакумент, падпісаны ЭЛП (фармат дакумента .pdf, .docx, .xml), справа ў панэль «Файл подпісу (.sig, .p7s, .sgn)» – непасрэдна файл подпісу (фармат `.sig`, `.sgn' ці '.p7s`) і націснуць кнопку «ПАЧАЦЬ ПРАЦЭДУРУ ПРАВЕРКІ».

Калі вынік працэдуры праверкі апынуўся адмоўным, то неабходна перайсці ў поле «2. Далучаны ЭЛП». Далей у гэтым полі загрузіць у панэль «Файл подпісу (.sig, .p7s, .sgn)» непасрэдна файл подпісу (фармат `.sig`, `.sgn' ці '.p7s`) і націснуць кнопку «ПАЧАЦЬ ПРАЦЭДУРУ ПРАВЕРКІ».

Пасля завяршэння працэдуры праверкі ЭЛП ў адлюстраванай справаздачы можна паглядзець, які канкрэтна дакумент падпісаны правераным ЭЛП.

Звяртаем увагу, што праверыць сапраўднасць ЭЛП можна толькі ў дачыненні да дакументаў, падпісаных актуальнымі (дзеючымі) ЭЛП на момант праверкі. Калі дакумент падпісаны ЭЛП, тэрмін дзеяння якога скончыўся, – праверка пакажа адмоўны вынік нават у тым выпадку, калі на момант падпісання гэтага дакумента ЭЛП яшчэ дзейнічаў.

Таксама адзначым, што сфармаваная па выніках праверкі pdf-справаздача носіць выключна інфармацыйны характар.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).