Асноўныя этапы і патрабаванні пры рэгістрацыі таварнага знака ў Беларусі

У сучасным бізнэсе таварны знак адыгрывае важную ролю, бо выкарыстоўваецца для індывідуалізацыі і абароны вырабляемых тавараў або аказваемых паслуг. Ён служыць своеасаблівай візітоўкай, якая дазваляе пакупнікам і кліентам распазнаць і запомніць брэнд вытворцы тавараў або паслуг. Вось некалькі асноўных этапаў, якія неабходна прайсці, каб зарэгістраваць таварны знак у Беларусі.

1. Распрацоўка абазначэння. Перад тым як прыступіць да працэсу рэгістрацыі, неабходна падумаць над выбарам унікальнага і ідэнтыфікавальнага арганізацыю або прадукт абазначэння. Гэта можа быць слова, лагатып, сімвал або камбінацыя гэтых элементаў. Дарэчы, з 13 лістапада 2023 г. гэта можа быць яшчэ і колер.

2. Праверка на унікальнасць. Неабходна пераканацца, што абранае абазначэнне не зарэгістравана іншымі арганізацыямі. Гэта можна праверыць з дапамогай нацыянальнай базы даных таварных знакаў у Нацыянальным цэнтры інтэлектуальнай уласнасці (НЦІУ) (самастойна або замовіўшы паслугу) або ў міжнароднай базе Сусветнай арганізацыі інтэлектуальнай уласнасці (самастойна або заказаўшы паслугу).

3. Падача заяўкі ў НЦІУ. Заяўкі можна падаваць анлайн або на папяровым носьбіце. Дакументы, неабходныя для падачы заяўкі, уключаюць непасрэдна запоўнены бланк заяўкі, які змяшчае абазначэнне, якое рэгіструецца ў якасці таварнага знака, спіс тавараў або паслуг, якія ён будзе прадстаўляць, найменне і адрас заяўніка і дакументы аплаты (патэнтнай пошліны). На сайце НЦІУ кожны можа разлічыць суму, якая падлягае аплаце, скарыстаўшыся калькулятарам патэнтных пошлін.

4. Экспертыза заяўкі. Пададзеная заяўка праходзіць папярэднюю экспертызу. Затым праводзіцца экспертыза па сутнасці, у выніку якой вызначаецца, ці адпавядае знак патрабаванням заканадаўства Рэспублікі Беларусь.

5. Рэгістрацыя і выдача пасведчання. Калі заяўка паспяхова прайшла ўсе стадыі экспертызы, таварны знак рэгіструецца, а заяўніку выдаецца пасведчанне аб рэгістрацыі (пры ўмове выплаты патэнтнай пошліны).

Зарэгістраваўшы таварны знак, заяўнік атрымлівае выключнае права на яго выкарыстанне, права прадастаўляць згоду на выкарыстанне таварнага знака, а таксама права забараняць выкарыстанне таварнага знака. Важна памятаць, што рэгістрацыя таварнага знака ў Беларусі сапраўдная на працягу 10 гадоў, пасля чаго рэгістрацыю можна неаднаразова падоўжыць на 10 гадоў. Сам працэс рэгістрацыі строга рэгламентаваны Законам Рэспублікі Беларусь ад 5 лютага 1993 г. № 2181-XII «Аб таварных знаках і знаках абслугоўвання», са зместам якога можна азнаёміцца ў раздзеле заканадаўства.

Больш навін аб інтэлектуальнай уласнасці – у нашых сацсетках (Facebook, Instagram, Telegram).