НЦІУ працягвае аказваць паслугі па добраахвотнай рэгістрацыі і дэпанаванні аб'ектаў аўтарскага і сумежных правоў

У 2023 г. Нацыянальны цэнтр інтэлектуальнай уласнасці (НЦІУ) аказаў паслугі па добраахвотнай рэгістрацыі і дэпанаванні ў дачыненні да 154 аб'ектаў аўтарскага права. Найбольшая колькасць аб'ектаў, праваўладальнікі якіх скарысталіся дадзенай паслугай НЦІУ, адносіцца да камп'ютарных праграм, літаратурных твораў, твораў прыкладнога мастацтва і дызайну.

НЦІУ дэпануе аб'екты аўтарскага і сумежных правоў разам з дакументамі і матэрыяламі, якія змяшчаюць інфармацыю пра іх, у электронным выглядзе з абмежаваннем доступу трэціх асоб да зместу файлаў. Пры выкарыстанні інфармацыйна-камунікацыйных тэхналогій забяспечваецца захаванасць прадстаўленых заяўнікам копіі аб'екта, матэрыялаў і дакументаў у зыходным выглядзе.

Паслугі аказваюцца ў адносінах да наступных аб'ектаў аўтарскага права (твораў):

• літаратурныя;
• сцэнарныя;
• музычныя (з тэкстам і без тэксту);
• аўдыёвізуальныя;
• творы выяўленчага мастацтва;
• творы прыкладнога мастацтва і дызайну;
• творы архітэктуры, горадабудаўніцтва і садова-паркавага мастацтва;
• фатаграфічныя;
• якія адносяцца да геаграфіі, картаграфіі і іншых навук;
• камп'ютарныя праграмы;
• творы навукі;
• іншыя творы (у тым ліку базы даных);
• выканання;
• фанаграмы;
• перадачы арганізацый эфірнага або кабельнага вяшчання.

З больш падрабязнай інфармацыяй пра паслугу можна азнаёміцца па спасылцы.

Больш навін аб інтэлектуальнай уласнасці – у нашых сацсетках (Facebook, Instagram, Telegram).

Фота: НЦІУ