На Біржу ІУ НЦІУ паступілі камерцыйныя прапановы на камп'ютарныя праграмы і карысныя мадэлі

На Біржы інтэлектуальнай уласнасці НЦІУ (Біржа ІУ) размешчаны камерцыйныя прапановы дзяржаўнай навуковай установы «Аб'яднаны інстытут праблем інфарматыкі Нацыянальнай акадэміі навук Беларусі».

На камп'ютарныя праграмы:

«Нейрасеткавы праграмны комплекс для падтрымкі прыняцця рашэнняў пры дыягностыцы захворванняў лёгкіх на аснове рэнтгенаўскіх і тамаграфічных малюнкаў ( LungExpert)». Дадзены вэб-сайт прызначаны для аўтаматызацыі працэсаў дыягностыкі захворванняў лёгкіх па камп'ютарна-тамаграфічным і рэнтгенаўскім малюнках на аснове метадаў глыбокага навучання і штучнага інтэлекту;

«Праграмнае забеспячэнне мікрамодуля аператыўнага распазнання, адбору і сціску відэаінфармацыі на борце малых касмічных апаратаў ( Мікрамодуль)» – створана для аўтаматычнага выяўлення і класіфікацыі малюнкаў падсцілаючай паверхні Зямлі ў рэжыме рэальнага часу малымі касмічнымі апаратамі, IoT-прыладамі, сістэмамі аўтаматызацыі вытворчасці.

На карысныя мадэлі:

«Кампактны вылічальны кластар» (пасведчанне Рэспублікі Беларусь № 12417), распрацаваны для пабудовы кампактных універсальных персанальных суперкамп'ютараў тэрафлопснага класа;

«Цеплаадвод для працэсара» ( пасведчанне Рэспублікі Беларусь № 12012, пасведчанне Расійскай Федэрацыі № 189231), які адносіцца да сістэм астуджэння вылічальнага абсталявання, у якім выкарыстоўваюцца працэсары з нізкім цеплавыдзяленнем. Дадзеная карысная мадэль спрыяе спрашчэнню канструкцыі сістэмы астуджэння працэсара пры захаванні высокай цепларассейваючай здольнасці цеплаадводу.

Таксама на Біржы ІУ размешчана камерцыйная прапанова на карысную мадэль «Дахавы матэрыял» ( пасведчанне Рэспублікі Беларусь № 13261) патэнтаўладальніка А. С. Вярбіцкага, распрацаваную для ўладкавання скатных дахаў. Яе выкарыстанне зніжае працаёмкасць мантажу, выдаткі на піламатэрыялы і ўладкаванне цеплаізаляцыі.

Даведка:
Біржа ІУ прадастаўляе магчымасць усім зацікаўленым азнаёміцца з камерцыйнымі прапановамі праваўладальнікаў на аб'екты права прамысловай уласнасці, якія ім належаць, для магчымага далейшага ліцэнзавання, саступкі і іншых формаў камерцыялізацыі.

У цяперашні час на Біржы ІУ зарэгістравана больш за 770 камерцыйных прапаноў на аб'екты права прамысловай уласнасці. Таксама з'явілася ўнікальная магчымасць размясціць на Біржы ІУ камерцыйныя прапановы ў дачыненні аб'ектаў аўтарскага права, у тым ліку на камп'ютарныя праграмы, зарэгістраваныя ў НЦІУ.

Азнаёміцца з іншымі камерцыйнымі прапановамі можна па спасылцы.

Больш навін аб інтэлектуальнай уласнасці – у нашых сацсетках (Facebook, Instagram, Telegram).

Фота: НЦІУ