Да ўвагі заказчыкаў патэнтна-інфармацыйных паслуг. Аб новай рэдакцыі дагавора далучэння

Звяртаем увагу, што з 16 студзеня 2024 г. уступаюць у сілу змяненні п. 2 формы дагавора далучэння платнага аказання паслуг, зацверджанай абзацам чацвёртым п. 2 загаду генеральнага дырэктара Нацыянальнага цэнтра інтэлектуальнай уласнасці ад 22 жніўня 2022 г. № 113 (у рэдакцыі загадаў ад 12.01.2024 № 7), ён дапаўняецца падп. 2.3 і 2.4, з якіх вынікае:

• у выпадку звароту за выкананнем паскоранай экспертызы раней шасці месяцаў з даты падачы заяўкі на рэгістрацыю таварнага знака да бланка-заказа НЕ ПАТРАБУЕЦЦА прыкладаць хадайніцтва аб правядзенні паскоранай экспертызы раней за шэсць месяцаў з даты падачы заяўкі, бо, згаджаючыся з умовамі дагавора далучэння платнага аказання паслуг, заказчык бярэ на сябе адказнасць і рызыкі, звязаныя з правядзеннем паскоранай экспертызы раней за шэсць месяцаў з даты падачы заяўкі на рэгістрацыю таварнага знака, а таксама адказнасць і рызыкі, звязаныя з прызнаннем несапраўдным прадастаўлення прававой аховы таварнаму знаку ў адпаведнасці з п. 2 арт. 25 Закона Рэспублікі Беларусь ад 5 лютага 1993 г. № 2181-XII «Аб таварных знаках і знаках абслугоўвання»;
• у выпадку звароту за паскораным правядзеннем экспертызы раней дванаццаці месяцаў з даты падачы заяўкі на вынаходства да бланка-заказа не патрабуецца прыкладаць хадайніцтва аб паскораным правядзенні экспертызы раней дванаццаці месяцаў з даты падачы заяўкі, бо, згаджаючыся з умовамі дагавора далучэння платнага аказання паслуг, заказчык бярэ на сябе адказнасць і рызыкі, звязаныя з правядзеннем экспертызы раней дванаццаці месяцаў з даты падачы заяўкі на вынаходства, а таксама адказнасць і рызыкі, звязаныя з прызнаннем несапраўдным патэнта на вынаходства ў адпаведнасці з п. 2 арт. 33 Закона Рэспублікі Беларусь ад 16 снежня 2002 г. № 160-З «Аб патэнтах на вынаходствы, карысныя мадэлі, прамысловыя ўзоры».

Больш навін аб інтэлектуальнай уласнасці – у нашых сацсетках (Facebook, Instagram, Telegram).

Фота: Freepik