У НЦІУ зарэгістраваны тысячны дагавор комплекснай прадпрымальніцкай ліцэнзіі (франчайзінгу)

9 кастрычніка 2023 г. у Нацыянальным цэнтры інтэлектуальнай уласнасці (НЦІУ) зарэгістраваны тысячны дагавор комплекснай прадпрымальніцкай ліцэнзіі (франчайзінгу) (дагавор франчайзінгу). Бокам па дамове выступае беларускае прадпрыемства – ААТ «Чырвоны харчавік», асноўнай дзейнасцю якога з'яўляецца вытворчасць кандытарскіх вырабаў (на рахунку арганізацыі ўжо каля 40 зарэгістраваных дагавораў франчайзінгу).

За апошнія 5 гадоў (2019 – кастрычнік 2023 г.) НЦІУ быў зарэгістраваны 541 дагавор франчайзінгу, што складае больш за палову ад агульнай колькасці зарэгістраваных дагавораў франчайзінгу (54,1 %) з 2006 г.

У цэлым 2023 г. можа стаць рэкордным па колькасці зарэгістраваных дагавораў франчайзінгу за 18 гадоў (па стане на 9 кастрычніка 2023 г. ужо зарэгістравана 125 дагавораў франчайзінгу, у той час як раней больш за ўсё было зарэгістравана ў 2022 г. – 137). З падрабязнай інфармацыяй аб зарэгістраваных дагаворах франчайзінгу можна азнаёміцца ў афіцыйным бюлетэні «Вынаходствы. Карысныя мадэлі. Прамысловыя ўзоры. Тапалогіі інтэгральных мікрасхем».

Больш падрабязна аб дагаворы франчайзінгу можна даведацца па спасылцы.

Даведка:
Згодна з ч. 1 арт. 910 Грамадзянскага кодэкса Рэспублікі Беларусь дагавор франчайзінгу – пагадненне, па якім адзін бок (праваўладальнік) абавязваецца прадаставіць другому боку (карыстальніку) за ўзнагароджанне на вызначаны ў дагаворы франчайзінгу тэрмін або без указання тэрміну ліцэнзійны комплекс, які ўключае права выкарыстання фірменнай назвы праваўладальніка, іншых аб'ектаў інтэлектуальнай уласнасці, прадугледжаных дагаворам франчайзінгу, а таксама нераскрытай інфармацыі ў прадпрымальніцкай дзейнасці карыстальніка.

Такі дагавор падлягае рэгістрацыі ў патэнтным органе (п. 2   арт. 910-1 Грамадзянскага кодэкса Рэспублікі Беларусь).

Адной з самых папулярных беларускіх франшыз з'яўляецца сетка кавярняў «Кава Саўнд». На іх рахунку каля 150 зарэгістраваных дагавораў франчайзінгу ў перыяд з 2018 па кастрычнік 2023 г. (15 % ад агульнай колькасці).

Больш навін аб інтэлектуальнай уласнасці – у нашых сацсетках (Facebook, Instagram, Telegram).