Пытанне: Калі аўтар зарэгістраваў у Нацыянальным цэнтры інтэлектуальнай уласнасці (НЦІУ) твор для мэт калектыўнага кіравання і ўказаў свайго суаўтара, ці трэба яму таксама заключаць дагавор з НЦІУ, каб атрымліваць аўтарскую ўзнагароду за гэты твор?

Адказ: Згодна з пп. 1 і 2 артыкула 50 Закона Рэспублікі Беларусь ад 17 мая 2011 г. № 262-З «Аб аўтарскім праве і сумежных правах» паўнамоцтвы на калектыўнае кіраванне маёмаснымі правамі перадаюцца арганізацыі па калектыўным кіраванні маёмаснымі правамі непасрэдна аўтарам або іншым праваўладальнікам на падставе заключанага з ёю дагавора аб кіраванні маёмаснымі правамі на твор і (або) аб'ект сумежных правоў, а таксама па адпаведных дагаворах з іншымі арганізацыямі па калектыўным кіраванні маёмаснымі правамі, у тым ліку замежнымі.

Пры гэтым дагавор аб кіраванні маёмаснымі правамі на твор і (або) аб'ект сумежных правоў павінен змяшчаць пералік твораў і (або) аб'ектаў сумежных правоў, канкрэтныя формы і спосабы іх выкарыстання, у адносінах да якіх арганізацыі па калектыўным кіраванні маёмаснымі правамі перадаюцца паўнамоцтвы на кіраванне.

Такім чынам, НЦІУ ў якасці арганізацыі па калектыўным кіраванні збірае ўзнагароджанне за выкарыстанне аб'ектаў аўтарскага права толькі асобам, якія заключылі з НЦІУ дагавор аб кіраванні маёмаснымі правамі і перадалі ў калектыўнае ўпраўленне адпаведныя творы, таму твор мэтазгодна рэгістраваць у НЦІУ для мэт калектыўнага кіравання ўсім праваўладальнікам, а не аднаму з іх.

01.2024
Падрыхтавала: Т.П. Цэдрык (Зам. начальніка ўпраўлення аўтарскага і сумежных правоў - начальнік аддзела рэгістрацыі правоў НЦІУ), Д.Х. Градоўкіна (вядучы спецыяліст упраўлення аўтарскага і сумежных правоў аддзела рэгістрацыі правоў НЦІУ)