Пытанне: Пры стварэнні фанаграмы ў якасці інструмента выкарыстоўваецца генератыўная нейрасетка, а асобныя вакальныя і інструментальныя партыі фанаграмы згенераваны і не ўяўляюць сабой запіс выканання канкрэтнай фізічнай асобы. Хто можа выступаць у якасці вытворцы такой фанаграмы і каго неабходна ўказваць у якасці выканаўцы?

Адказ: Згодна з арт. 4 Закона Рэспублікі Беларусь ад 17.05.2011 № 262-З «Аб аўтарскім праве і сумежных правах» (Закон аб аўтарскім праве) вытворца фанаграмы – гэта фізічная або юрыдычная асоба, якая арганізуе першы гукавы запіс якога-небудзь выканання ці іншых гукаў альбо адлюстраванняў гукаў, а таксама асоба, якая выконвае творы літаратуры, мастацтва, у тым ліку творы народнай творчасці, з дапамогай акцёрскай гульні, спеваў, чытання, дэкламацыі, ігры на музычным інструменце, танца або якім-небудзь іншым чынам (артыст-выканаўца), а таксама рэжысёр-пастаноўшчык спектакля і дырыжор.

Такім чынам, калі пры вытворчасці фанаграмы можна вызначыць канкрэтную фізічную або юрыдычную асобу, якая арганізуе яе запіс, менавіта гэта асоба і будзе лічыцца вытворцам фанаграмы. Тое ж самае тычыцца выканаўцы: калі пры запісе фанаграмы акрамя нейрасеткі быў уклад нейкага чалавека (напрыклад, нехта граў частку партый на музычным інструменце або спяваў), яго трэба ўказаць у якасці выканаўцы. Калі ж жывога выканаўцы не было, прапануем адзначаць, што выкананне створана з дапамогай генератыўнай нейрасеткі.

09.2026
Падрыхтавалі: Т.П. Цэдрык (намеснік начальніка упраўлення аўтарскага і сумежных правоў - начальнік аддзела рэгістрацыі правоў НЦІУ), Д.Х. Градоўкіна (вядучы спецыяліст аддзела рэгістрацыі правоў кіравання аўтарскага і сумежных правоў НЦІУ)