Пытанне: Ці можа трэцяя асоба, якая аспрэчвае правы на аб'ект права прамысловай уласнасці, прыпыніць дзяржаўную рэгістрацыю дагавора ў дачыненні да гэтага аб'екта, падаўшы заяву ў патэнтны орган?

Адказ: Не, не можа.

Заканадаўствам аб інтэлектуальнай уласнасці і адміністрацыйных працэдурах не прадугледжана магчымасць прыпынення, адкладання або спынення дзяржаўнай рэгістрацыі дагавораў аб распараджэнні правамі на аб'ект права прамысловай уласнасці (далей – АППУ) па заяве асобы, аспрэчваючай права на такі АППУ.

Пры гэтым рэгістрацыйныя дзеянні могуць быць прыпынены патэнтным органам на падставе судовай пастановы.

Так, на падставе часткі першай арт. 159 Кодэкса грамадзянскага судаводства Рэспублікі Беларусь асобы, якія аспрэчваюць правы на АППУ, могуць падаць хадайніцтва аб прымяненні судом забеспячальнай меры – забароны іншым асобам здзяйсняць пэўныя дзеянні, якія тычацца прадмета спрэчкі.

Азначанае хадайніцтва можна ўключыць у тэкст іскавай заявы ці падаць як асобны дакумент адначасова з падачай іскавай заявы ў абарону сваіх правоў у судовую калегію па справах інтэлектуальнай уласнасці Вярхоўнага Суда Рэспублікі Беларусь або заявіць у працэсе разгляду іска.

08.2026
Падрыхтавалі: В. А. Траццяк (вядучы спецыяліст аддзела права прамысловай уласнасці і дагавораў упраўлення прававога і кадравага забеспячэння НЦІУ)