Пытанне: Ці з'яўляецца кандыдацкая дысертацыя прадметам аўтарскага права?

Адказ: У адпаведнасці з п. 1 арт. 6 Закона Рэспублікі Беларусь ад 17 мая 2011 г. № 262-З «Аб аўтарскім праве і сумежных правах» (Закон аб аўтарскім праве) аўтарскае права распаўсюджваецца на творы навукі, літаратуры і мастацтва, якія з'яўляюцца вынікам творчай дзейнасці, незалежна ад прызначэння і годнасці твораў, а таксама спосабу іх выражэння.

Аўтарскае права распаўсюджваецца як на апублікаваныя, так і на неабнародаваныя творы, якія існуюць у якой-небудзь аб'ектыўнай форме, у прыватнасці ў пісьмовай форме (рукапіс, машынапіс, нотны запіс і інш.) (п. 2 арт. 6 Закона аб аўтарскім праве).

У адпаведнасці з п. 5 арт. 6 Закона аб аўтарскім праве да аб'ектаў аўтарскага права, у прыватнасці, адносяцца: літаратурныя творы (кнігі, брашуры, артыкулы і інш.), творы навукі (манаграфіі, артыкулы, справаздачы, навуковыя лекцыі і даклады, дысертацыі, канструктарская дакументацыя і інш.).

Такім чынам, навуковая дысертацыя з'яўляецца аб'ектам аўтарскага права і аўтару дысертацыі належаць асабістыя немаёмасныя правы, выключнае права, а таксама іншыя маёмасныя правы (арт.15 і 16 Закона аб аўтарскім праве).

Акрамя таго, аўтарскае права на твор ўзнікае ў сілу факту яго стварэння. Для ўзнікнення і ажыццяўлення аўтарскага права не патрабуецца захаванне якіх-небудзь фармальнасцей (п.1 арт. 8 Закона аб аўтарскім праве).

Таксама Законам аб аўтарскім праве прадугледжана прэзумпцыя аўтарства, у адпаведнасці з якой устаноўлена, што пры адсутнасці доказаў іншага аўтарам твора лічыцца асоба, названая ў якасці аўтара на экзэмпляры твора (п.2 арт. 8 Закона аб аўтарскім праве).

11.2023
Падрыхтаваў: В. В. Тумашчык