Пытанне: Які бок па дагавору саступкі выключнага права на вынаходства звяртаецца ў Нацыянальны цэнтр інтэлектуальнай уласнасці (НЦІУ) з заявай аб рэгістрацыі дагавора саступкі? Хто аплачвае патэнтную пошліну за разгляд такой заявы?

Адказ: У адпаведнасці з п. 3 арт. 984-1 Грамадзянскага кодэкса Рэспублікі Беларусь дагавор саступкі выключнага права заключаецца ў пісьмовай форме і падлягае рэгістрацыі. Невыкананне пісьмовай формы або патрабаванні аб рэгістрацыі цягне несапраўднасць дагавора.

Заканадаўствам не прадугледжаны абавязак якой-небудзь з бакоў дагавора саступкі звяртацца ў НЦІУ з заявай аб рэгістрацыі дагавора саступкі.

У адпаведнасці з арт. 294 Падатковага кодэкса Рэспублікі Беларусь плацельшчыкамі патэнтных пошлін прызнаюцца арганізацыі і фізічныя асобы, якія ва ўстаноўленым парадку звяртаюцца ў НЦІУ за здзяйсненнем юрыдычна значных дзеянняў.

З вышэйпералічанага вынікае, што як падаць заяву на рэгістрацыю дагавора саступкі, так і аплаціць патэнтную пошліну за разгляд такой заявы можа любая з бакоў дагавора саступкі.

12.2023
Д. В. Барзенка, НЦІУ