САІУ: колькасць міжнародных патэнтных заявак дасягнула рэкорднага ўзроўню

Па дадзеных Сусветнай арганізацыі інтэлектуальнай уласнасці (САІУ), у 2021 г. аб'ём глабальных паслуг у галіне інтэлектуальнай уласнасці ў дачыненні да патэнтаў, таварных знакаў і прамысловых узораў дасягнуў максімальнага ўзроўню. Акрамя таго, маштабы дзейнасці САІУ па барацьбе з кіберсквотынгам, арбітражу і пасрэдніцтву таксама дасягнулі высокіх паказчыкаў.

Колькасць міжнародных патэнтавых заявак, пададзеных па працэдуры Дамовы аб патэнтнай кааперацыі САІУ (PCT), вырасла на 0,9% і склала 277 500 заявак, дасягнуўшы рэкорднага значэння за ўсю гісторыю. Азія прадэманстравала сваё лідэрства як найбуйнейшы рэгіён паходжання міжнародных патэнтавых заявак: на яе долю прыйшлося 54,1% усіх заявак, пададзеных у 2021 г., у параўнанні з 38,5% у 2011 г.

У сувязі з гэтым Генеральны дырэктар САІУ Дарэн Танг адзначыў, што кампаніі скарысталіся адкрытымі магчымасцямі для вываду новых тавараў і паслуг з улікам змены спажывецкага попыту і паскарэння цыфравізацыі эканомікі ва ўмовах пандэміі.

Па матэрыялах САІУ.